पाल्पा सिमेन्टको आइपिओ खुल्यो

काठमाडौँ १२फाल्गुन २०८२,।

पाल्पा सिमेन्ट इण्डष्ट्रिज लिमिटेडले आजदेखि आइपिओ बिक्री खुला गर्ने भएको छ।

कम्पनीले पहिलो चरणमा निष्कासन गरेको आइपिओ बाँडफाँटपछि दोस्रो चरणमा सर्वसाधारणको लागि निष्कासन गर्न लागेको हो। कम्पनीले १८ लाख ७५ हजार कित्ता साधारण शेयर उद्योग प्रभावित क्षेत्रका स्थानिय बासिन्दाहरूका लागि र ५ लाख ६२ हजार ५०० कित्ता सेयर विदेशमा रोजगार गरी रहेका नेपालीहरूका लागि निष्कासन गरेको थियो।

कम्पनीले २ लाख ८१ हजार २५० कित्ता साधारण सेयर सामूहिक लगानी कोषहरूका लागि र २ लाख ८१ हजार २५० कित्ता सेयर कम्पनीका कर्मचारीहरूका लागि बाँडफाँट गरेको छ।

अब कम्पनीले बाँकी रहेको ४५ करोड रूपैयाँ बराबरको प्रतिकित्ता १०० रूपैयाँ अंकित मूल्यका ४५ लाख कित्ता सेयर सर्वसाधारण लगानीकर्ताहरूका लागि निष्कासन गर्न लागेको हो।

कम्पनीको आइपिओमा न्यूनतम १० कित्ताका लागि आवेदन दिनुपर्नेछ भने अधिकतममा १ लाख कित्ताका लागि आवेदन दिन सकिनेछ।

सर्वसाधारणले छिटोमा फागुन १५ गतेसम्म आवेदन दिन सक्नेछन्। ढिलोमा फागुन २६ गतेसम्म आवेदन दिन पउनेछन्।
कम्पनीलाई इन्फोमेरिक्स क्रेडिट रेटिङ नेपालले कम्पनीलाई ‘आइआरएन डबल बी प्लस इस्युअर’ रेटिङ प्रदान गरेको छ। यसले कम्पनीको दायित्व बहन गर्ने क्षमतामा मध्यम जोखिम रहेको जनाउँछ।

कम्पनीको सेयर निष्कासन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको छ।

थप समाचारहरु:

आजदेखि विन नेपाल लघुवित्तको एफपीओमा आवेदन दिन सकिने १५ प्रतिशतका दरले लाभांश वितरण गर्ने सगरमाथा लुम्बिनी इन्स्योरेन्सको घोषणा सूर्यज्योति लाइफ इन्स्योरेन्स र एनसीएचएल बीच सम्झौता बजार पूँजीकरण १ खर्बले घट्यो धितोपत्र ब्रोकर कम्पनीले चुक्ता पूँजी पुर्‍याउनु पर्ने समय थप दरमखोला हाइड्रो इनर्जीको आईपीओ आजदेखि खुल्ला  राष्ट्रिय खाद्य बैंक र ग्लोवल आइएमई क्यापिटल विच आइपिओ निष्कासन तथा बिक्री प्रवन्ध सम्झौता  आईपीओ निष्काशन गर्दै एसवाई प्यानल नेपाल विजय लघुवित्तले पुस २१ गतेदेखि एफपीओ निष्कासन गर्ने