लोकसेवा आयोगद्वारा ३५३ खरिदार पदमा आवेदन खुला

काठमाडौं २७ फागुन २०८२। लोकसेवा आयोग नेपालले विभिन्न प्रदेशका लागि ३५३ जना खरिदार (वा सो सरह) पदमा आवेदन माग गरेको छ। आयोगले बुधबार प्रकाशित गरेको विज्ञापनअनुसार अप्राविधिकतर्फ न्याय, सरकारी वकिल, सामान्य प्रशासन, लेखा लगायतका समूहमा कर्मचारी भर्ना गरिनेछ।

आयोगका अनुसार कोशी, मधेश, बागमती, गण्डकी, लुम्बिनी, कर्णाली र सुदूरपश्चिम प्रदेशका लागि उक्त पदमा भर्ना प्रक्रिया अघि बढाइएको हो।

उम्मेदवारको उमेर पुरुषका हकमा १८ वर्ष पूरा भई ३५ वर्ष ननाघेको तथा महिलाका लागि ४० वर्ष ननाघेको हुनुपर्ने व्यवस्था गरिएको छ।

परीक्षा दस्तुर ५०० रुपैयाँ तोकिएको छ भने समावेशी समूहअन्तर्गत थप आवेदन दिन चाहनेले प्रति समूह १५० रुपैयाँ अतिरिक्त शुल्क तिर्नुपर्नेछ।

योग्यता पुगेका इच्छुक नेपाली नागरिकले चैत १७ गतेसम्म आवेदन दिन सक्नेछन्। दोब्बर दस्तुर तिरेर चैत २४ गतेसम्म आवेदन दिने व्यवस्था गरिएको आयोगले जनाएको छ।

थप समाचारहरु:

सप्तरीमा रु चार अर्ब लगानीमा छवटा उद्योग खोलिदै चुनावी घोषणापत्रको ‘लागत मूल्य’ प्रमुख राजनीतिक दलका वाचाः सबल र आत्मनिर्भर अर्थतन्त्र निर्वाचनका लागि चीनले दियो ५८ करोड रुपैयाँ अनुदान मताधिकार प्रयोग गर्न गाउँ फर्किनेको लर्को मतदानको समयमा हेलिकप्टरबाट गस्ती गर्ने निर्णय काठमाडौं उपत्यकाका १५ निर्वाचन क्षेत्रमध्ये १४ वटामा रास्वपाका उम्मेदवारहरूको अग्रता यी हुन् कांग्रेसले जितेका १७ क्षेत्र सुन र चाँदीको मूल्य घट्यो