बैशाख २१ गतेदेखि आईपीओ निष्काशन गर्दै सर्वोत्तम पेन्ट्स

काठमाडाैं ९ बैशाख २०८३

सर्वोत्तम पेन्ट्स इन्डस्ट्रिज लिमिटेडले वैशाख २१ गतेदेखि वैदेशिक रोजगारीमा रहेका नेपाली नागरिकहरूका लागि प्राथमिक शेयर (आईपीओ) निष्काशन गर्ने भएको छ ।

कम्पनीले आफ्नो जारी पूँजी ३४ करोड रुपैयाँको २५ प्रतिशत अर्थात् ८ करोड ५० लाख रुपैयाँ बराबरको ८ लाख ५० हजार कित्ता शेयर (प्रति कित्ता १०० रुपैयाँ अंकित मूल्य) निष्काशन गर्न नेपाल धितोपत्र बोर्डबाट अनुमति प्राप्त गरेको छ । सोमध्ये १० प्रतिशत अर्थात् ८५ हजार कित्ता शेयर वैदेशिक रोजगारीमा रहेका नेपालीहरूका लागि आरक्षित गरी निष्काशन गर्न लागिएको हो ।

यो आईपीओमा न्यूनतम १० कित्ता र अधिकतम ५ हजार कित्तासम्म आवेदन दिन सकिनेछ । वैदेशिक रोजगारीमा रहेका नेपालीहरूले वैशाख २४ गतेसम्म आवेदन दिन सक्नेछन् । उक्त अवधिसम्म पूर्ण आवेदन नपरेमा निष्काशन अवधि जेठ ४ गतेसम्म थपिनेछ ।

शेयर निष्काशन तथा बिक्री प्रबन्धकको भूमिका ग्लोबल आइएमई क्यापिटल लिमिटेडले निर्वाह गर्नेछ । आवेदनकर्ताहरूले नेपाल धितोपत्र बोर्डबाट स्वीकृति प्राप्त आस्बा सदस्य बैंक तथा वित्तीय संस्थाका शाखाहरू मार्फत वा ‘मेरो शेयर’ अनलाइन प्रणालीको सि–आस्बा मार्फत आवेदन दिन सक्नेछन् ।

केयर रेटिङ्स नेपालले कम्पनीलाई ‘केयर एनपी डबल बी माइनस (इस्यूअर)’ रेटिङ प्रदान गरेको छ । यस रेटिङले कम्पनीको दायित्व भुक्तानी गर्ने क्षमतामा मध्यम स्तरको जोखिम रहेको संकेत गर्दछ ।

थप समाचारहरु:

सान्भि इनर्जीले आजदेखि आईपीओ निष्काशन खुला गर्दै असार २७ गतेदेखि स्वस्तिक लघुवित्तको आईपीओ खुल्ला हुने बजार खुलेको पौने घण्टामै सेयर बजारमा ३ अर्ब २५ करोड बढी कारोबार, ४९ अंकको बृद्धि नेप्से परिसूचक ७.१० अंकले बढ्यो, कारोबार १९ अर्ब बढी ११ दशमलव ५२ अङ्कले घट्यो नेप्से परिसूचक सुस्तायो शेयर बजार होटल फरेस्ट इनको आइपिओ खुल्यो पाल्पा सिमेन्टको आइपिओ खुल्यो शिखर पावरको आईपीओ बाँडफाँड सम्पन्न