बिजनेस पोष्ट
एजेन्सी २४ साउन २०८२।
अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिन युक्रेन युद्धको भविष्यबारे छलफल गर्न आगामी शुक्रबार अलास्कामा भेट्ने भएका छन्।
ट्रम्पले अगस्ट १५ मा हुने यो बैठकको घोषणा सामाजिक सञ्जालमार्फत गरेका हुन्। क्रेमलिनका प्रवक्ताले पनि बैठकको पुष्टि गर्दै अलास्कालाई ‘रुसको नजिकको उपयुक्त स्थान’ भएको बताए।
साथै, प्रवक्ताले ट्रम्पलाई दोस्रो शिखर सम्मेलनका लागि रुस भ्रमणको निमन्त्रणा दिइएको उल्लेख गरे। युक्रेनले भने यस विषयमा तत्काल कुनै प्रतिक्रिया दिएको छैन।
यो घोषणा ट्रम्पले युक्रेनले युद्ध अन्त्यका लागि केही भूभाग छोड्नुपर्ने सङ्केत दिएको केही घण्टापछि भएको हो। सन् २०२२ को फेब्रुअरीमा रुसले युक्रेनमाथि आक्रमण गरेपछि सुरु भएको युद्ध तीन वर्षभन्दा बढी समयदेखि चलिरहेको छ।
‘यो लडाइँ तीन वर्षभन्दा बढी समयदेखि जारी छ। धेरै रुसी र युक्रेनीहरू मारिएका छन्,’ ट्रम्पले शुक्रबार ह्वाइट हाउसमा भने, ‘यो जटिल मुद्दा हो। केही भूभाग फिर्ता हुनेछ, केही साटासाट हुनेछ। यो कदम दुवै पक्षको हितमा हुनेछ।’
ट्रम्पले यो प्रस्तावको विस्तृत विवरण भने खुलाएका छैनन्। एजेन्सी
थप समाचारहरु:
लण्डन पुगेर जेलेन्स्कीले भने: अमेरिकी सहयोग बिना रुससँग लड्न सकिँदैन
विश्व अर्थतन्त्रमा नयाँ संकट : कसरी होला चीन-अमेरिका ब्यापार युद्धको अन्त्य ?
व्यापारघाटाले थलिँदै जापान, एक बर्षमै ३६ अर्ब डलर घाटा
पोर्चुगलले १८ हजार गैरकानुनी विदेशीलाई निकाला गर्ने
हवाई आक्रमणपछि भारत र पाकिस्तानमा ५५० उडान रद्द
एउटा यस्तो देश, जहाँ मानिस भन्दा भेडा धेरै
अमेरिका र चीन ११५ प्रतिशत कर कटौती गर्न सहमत
परीक्षणमा स्टारसिप मेगारकेट हिन्द महासागरमा विस्फोट
सन २०२५ मा विश्वव्यापी आर्थिक वृद्धि दर ३ प्रतिशतमा पुग्ने प्रक्षेपण
तपाईको प्रतिक्रिया