रगतको सम्झना र सत्ताको मौनता

भुपेन्द्र थापा (माधव)

यो आन्दोलन कुनै कागजमा कोरिएको सिद्धान्त थिएन-यो त
आमाको काखबाट चुँडिएको छोराको अन्तिम सास थियो,
खेतको डिलमा ढलेको किसानको पसिना थियो,
कारखानाको धुवाँभित्र हराएको मजदूरको सपना थियो।

गाउँ-गाउँमा पुगेर
भोकसँगै लडका ती रात ,दिनहरू,
जनताको आँसु पुछ्दै
परिवर्तनको गीत गाएका ती रातहरू
त्यहीँबाट उठेको थियो
यो लाल इतिहास।

किन सत्ताको महल यति अग्लो भयो?
किन जनताको आवाज त्यहाँ पुग्नै छोड्यो?
हिजो भुइँमा किसान संग थिए,
आज किन सत्ता र सक्तिको बार्दलिमा छन्?
हिजो मजदुरको भोक र शोकका कुरा गर्थे,
आज किन विलासिताको टावरबाट चिच्चाउछन्?

यो केवल दूरी होइन,
यो त सम्बन्धको विछोड हो।
रगतले सिर्जिएको माटोमा
आज अपमानको धुलो छर्किएको छ।

त्याग र बलिदानका कथाहरू
सुविधाको स्वरमा हराएका छन्।
मजदूर अझै पसिना बगाउँदै छन्
किसान अझै ऋणमै डुबेको छ।
दलित अझै अपमानित छन्
महिला अझै संघर्षमै छन्।

नेतृत्वले वर्तमानको ऐना हेर्नुछ।
इतिहासले पटक-पटक भनिसकेको छ।
जनताबाट टाढिएको शक्ति
आफ्नै भारले ढल्दैछ।

हामीले बैरिका गर्जन सुनेका छौँ?
किन फेरि उही गल्ती दोहोर्याउँदैछौँ?
यो कविता आरोप होइन-यो सम्झना हो।
यो आक्रोश होइन-यो चेतावनी हो।

अझै समय छ-फेरि गाउँ फर्किने,
फेरि जनताको हात समाउने,
फेरि आफ्नै इतिहाससँग आँखा जुधाउने।

रगतले लेखिएको बलिदानका गाथा,
कुनै दिन मौनतामा हराउनेछ।
इतिहासले लेख्नेछ-उनीहरूले जिते,
हामीले जितेर पनि हार्यौ।

थप समाचारहरु:

भावर क्षेत्रमा पानीको स्रोत खोज्दै वीरगञ्ज महानगर नखरा बोलको तीज गीतको भिडियो सार्वजनिक राष्ट्रिय बिमा कम्पनी स्थापनाको ११ वर्ष पूरा, लक्ष्यमा थप केिन्द्रत हुने ठूलोखोला जलविद्युत् आयोजनाको परीक्षण उत्पादन सुरू फोटो फिचरमा ‘नाइमा नेपाल मोबिलिटी एक्स्पो–२०२५’ अनलाइन सञ्चारमाध्यम दर्ता, नवीकरण स्थानीय प्रशासनमा गर्ने व्यवस्था पंचायतकालीन निरन्तरता : पत्रकार महासंघ कृषि विकास बैंकको नाफा बढ्यो ‘ग्लोकल टीन हिरो २०२५’ का ग्लोकल २० अन्डर २० सार्वजनिक गोलछा ग्रुप प्रस्तुत ग्लोकल टीन हिरो २०२५ का ग्लोकल २० अन्डर २० सार्वजनिक