नेपाल लाइफद्वारा २५औं वार्षिकोत्सवको अवसरमा निःशुल्क स्वास्थ्य शिविर एवं देशभर रक्तदान कार्यक्रम

काठमाडौं २३ बैशाख २०८३, 

नेपाल लाइफ इन्स्योरेन्सले स्थापनाको २५औं गरिमामय वार्षिकोत्सवको अवसर पारेर निःशुल्क स्वास्थ्य सिविर एवम् देशैभर वृहत् रक्तदान कार्यक्रम सफलतापूर्वक सम्पन्न गरेको छ।

यहि वैशाख २१ र २२ गते कम्पनीले आफ्नो प्रधान कार्यालयको प्रांगणमा निःशुल्क स्वास्थ्य सिविर सञ्चालन गरेको थियो। स्वास्थ्य परीक्षण सेवा आरबी डाइग्नोष्टिक मार्फत प्रदान गरिएको थियो। सिविरमा इसिजी, थाइराइड, सुगर, प्रेसर, एसजिपिटी, कोलस्ट्रोल, यूरिक एसिड लगायतका निःशुल्क चेकजाँच तथा विज्ञ डाक्टरहरुबाट निःशुल्क परामर्श सुविधा प्रदान गरिएको थियो। २ दिने यस शिविरबाट कुल ६०१ जनाले प्रत्यक्ष लाभ लिएका छन्।

यससँगै कम्पनीले देशभरका ७ वटै प्रदेशका १३ स्थानमा बृहत् रक्तदान कार्यक्रम समेत सम्पन्न गरेको छ। कार्यक्रममार्फत कोशी प्रदेशको इटहरीमा ३०, मधेश प्रदेशको वीरगञ्जमा २५, जनकपुरमा २५, बागमती प्रदेशको काठमाडौंमा ७८, नारायणगढमा ८१, नुवाकोटमा ३९, हेटौंडामा २६, बनेपामा ३२, गण्डकी प्रदेशको पोखरामा ५५, लुम्बिनी प्रदेशको बुटवलमा ३३, भैरहवामा ३४, कर्णाली प्रदेशको सुर्खेतमा २५ र सुदूरपश्चिम प्रदेशको धनगढीमा ३३ गरी कुल ५०५ पिन्ट रगत संकलन गरिएको छ।

किनकि, जीवन अमूल्य छ१ को नारालाई आत्मसात् गर्दै सम्पूर्ण नेपाली भविष्य सुरक्षित, सुनिश्चित र सुनौलो बनाउने अभिभारा बहन गर्दै आएको नेपाल लाइफ इन्स्योरेन्स कम्पनी लिमिटेड देशकै अग्रणी जीवन बीमा कम्पनी हो, जसले करिब ३० प्रतिशत सम्मको बजार हिस्सा ओगट्दै आएको छ। 

विगत २५ वर्षदेखि करिब ५४ लाख नेपाली परिवारहरूको विश्वास जित्दै आएको कम्पनीले देशभरका ७७ वटै जिल्लामा फैलिएको शाखा सञ्जाल तथा ६९,००० भन्दा बढी अभिकर्ताहरूको सशक्त सञ्जाल मार्फत सेवा प्रदान गर्दै आएको छ। सेवाप्रति उच्च प्रतिबद्धताका कारण कम्पनीले बीमा क्षेत्रमा विश्वसनीयता, पहुँच र उत्कृष्टताको निरन्तर उदाहरण प्रस्तुत गर्दै आएको छ।

वार्षिकोत्सवको यस विशेष अवसरमा कम्पनीका प्रमुख कार्यकारी अधिकृत प्रवीण रमण पराजुलीले मार्गनिर्देशन प्रदान गर्ने संचालक समितिका अध्यक्ष तथा संचालकहरु, सेयरधनी महानुभावहरु, सम्पूर्ण ग्राहक महानुभावहरु, कम्पनीको मेरुदण्डका रूपमा रहेका अभिकर्ताहरु, आरोह अवरोहमा सदैव साथ दिने कर्मचारीहरु, नियामक निकायहरुका साथसाथै सबै सरोकारवालाहरुमा धन्यवाद तथा शुभकामना व्यक्त गरेका छन्। 

साथै, आगामी दिनमा पनि कम्पनीले यसरी नै सबैको माया, विश्वास र सहकार्य पाउने अपेक्षा रहेको बताएका छन्।

थप समाचारहरु:

झापा सबैभन्दा धेरै बीमित भएको जिल्ला हिमालयन लाइफ इन्स्योरेन्सले गर्यो लाभांश घोषणा हिमालयन लाइफको ‘हिमालयन आरोही सम्मान समारोह’ सम्पन्न, सर्वोत्कृष्ट अभिकर्ता सम्मानित आई.एम.ई लाइफ इन्स्योरेन्सको आफ्नो आठौँ वार्षिक उत्सवको अवसरमा वृहत् रक्तदान जेनजी आन्दोलनको क्षतिमा सवा २३ अर्बको बिमा दावी नेशनल लाइफ इन्स्योरेनसले गर्‍यो पुनर्निर्माण कोषमा १ करोड सहयोग सिटिजन लाइफको मिड -इयर कन्फेरेन्स सम्पन्न, ४८ शाखा व्यवस्थापक सम्मानित प्रभु इन्स्योरेन्सले सेयरधनीलाई लाभांश वितरण गर्ने २५ औँ वार्षिकोत्सवको अवसरमा नेपाल लाइफ इन्स्योरेन्सले विलम्ब शुल्कमा विशेष छुट दिने