बिजनेस पोष्ट
काठमाडौँ २८ पुस २०८२-कामना सेवा विकास बैंकले आफ्नो बुटवल क्षेत्र अन्तर्गत विभिन्न सामाजिक उत्तरदायित्व कार्यक्रमहरू सफलतापूर्वक सम्पन्न गरेको छ।
बैंकले आफ्नो शाखा कार्यालय भैरहवा र मणिग्राममार्फत समुदाय लक्षित सामाजिक कार्यक्रमहरू सञ्चालन गरेको हो। यसअन्तर्गत भैरहवा शाखामार्फत लुम्बिनी अपाङ्ग दृष्टिविहीन अनाथ आश्रमलाई तीन थान बेड तथा मणिग्राम शाखा मार्फत शान्ति नमुना माध्यमिक विद्यालयलाई जाडोयाम लक्षित न्यानो कपडा बुटवल क्षेत्र प्रमुख हेमन्त बाबु आचार्यले हस्तान्तरण गरेका छन्।
कार्यक्रमका अवसरमा बुटवल क्षेत्र प्रमुख आचार्यले सामाजिक उत्तरदायित्व अन्तर्गत अनाथ आश्रममा रहेका दृष्टिविहीन व्यक्तिहरूका लागि बेड तथा आर्थिक रूपमा कमजोर र दृष्टिविहीन बालबालिकाहरू अध्ययनरत विद्यालयमा न्यानो कपडा वितरणमा बैंक सहभागी हुन पाएकोमा अत्यन्तै खुशी व्यक्त गरे।
सहयोग प्राप्त संस्थाहरूले बैंकद्वारा गरिएको यस मानवीय पहलप्रति खुशी व्यक्त गर्दै आभार प्रकट गरेका छन्। कार्यक्रममा सम्बन्धित संस्थाका प्रतिनिधिहरू, बैंकका कर्मचारीहरू तथा अन्य सरोकारवालाहरूको उपस्थिति रहेको थियो। यससँगै बैंकले आगामी दिनहरूमा समेत सरोकारवालाहरुको समन्वय तथा सहकार्यमा यस्ता प्रकृतिका कार्यक्रमहरुलाई निरन्तरता दिने छ।
थप समाचारहरु:
विन नेपाल लघुवित्त वित्तीय संस्थाको एफपीओ बाँडफाँड
बैङ्किङ कसूरसम्बन्धी विधेयकमाथि राष्ट्रियसभाको संशोधन प्रतिनिधिसभाबाट स्वीकृत
माछापुच्छ्रे बैंक र अल मुजैनीबीच सम्झौताः अब कुवेतबाट पनि रेमिट्यान्स भित्रिने
वाणिज्य बैंकहरूको नयाँ ब्याजदर सार्वजनिक, कुनले दिन्छ धेरै ब्याज ?
राष्ट्र बैंकको अध्ययनः यस्ता छन् मधेस प्रदेशका आर्थिक चुनौती
सिटिजन्स सदाबहार योजनाको इकाई बाँडफाँड, २५% ओभरसब्स्क्राईब
मौद्रिक नीतिको सजगतापूर्ण लचिलो कार्यदिशालाई निरन्तरताः केन्द्रीय बैंक
नबिल बैंकले जित्यो चीनमा त्रिशूली जलविद्युत्सम्बन्धी मुद्दा, बैंक ग्यारेन्टीको ७४ लाख डलर प्राप्त
कामना सेवा विकास बैंकद्वारा बुटवल क्षेत्रमा सामाजिक उत्तरदायित्व कार्यक्रमहरु सम्पन्न
तपाईको प्रतिक्रिया