खाद्यन्यको ब्यापारमा हिमालयन ग्रुप अफ कम्पनीको अधिपत्य बढ्दैछ

बिजनेस पोष्ट

इश्वर लुँइटेल
सञ्चालक, हिमालयन गु्रप अफ कम्पनी
कृषिजन्य तथा खाद्यन्यसँग सम्बन्धीत व्यवसायमा कृयाशिल युवा व्यवसायी ईश्वर लुँइटेलसँग खाद्य सामाग्रीको बजार, कृषि उत्पादन, त्यसको गुणस्तर र विक्रि प्रर्बद्धनसँग सम्बन्धीत रहेर बिजनेसपोष्टले गरेको कुराकानी ।
हिमालयन गु्रप अफ कम्पनी कस्तो हो? यसले के काम गर्छ ?
यो प्राइभेट कम्पनी हो । यसले खाद्यन्यसँग सम्बन्धीत व्यापारिक काम गर्छ । जस्तो कि पिठो, चामल, दाल, गेडागुडा लगायतका विभिन्न उपभोक्ता वस्तुहरुको प्याकेजिङ गर्ने, प्रशोधन गर्ने, भण्डारण गर्ने र ठाउँठाउँमा आफ्ना आउट–लेटहरु खोलेर दैनिक उपभोक्ता वस्तुहरु अनलाइन अर्डरमार्फत पनि घरघर र स्टोर स्टोरसम्म पुर्याउने काम यसले गर्छ । हामीले किराना पसल, स्टोर आदिमा होलसेलमा दिनेगरी ठुलठुला आउट लेट मार्फत राखेर (जिल्लापिच्छे) सस्तो सुलभ मुल्यमा उपभोक्ता वस्तु विक्रि गर्छौ । थोरै मार्जिन राखेर धेरै ठाउँमा वस्तु ब्यापार गर्ने हाम्रो लक्ष्य छ ।
यसका आउटलेटहरु अहिले कहाँ कहाँ छन् त ?
विस्तारको क्रममा छौ । हामीले यस्तो व्यवसाय सुरु गरेको धेरै भएको पनि छैन । अहिले हामीले काठमाण्डौको जडिबुटी, नयाँ बसपार्कको गोङगंबु र सातदोबाटोमा सुरु गरेका छौ । विस्तारै सबै तिर विस्तार गर्ने सोचमा छौ । यसमा हालसम्म १० करोड लगानी भएको छ । हामी समझदार साँझेदारको खोजीमा पनि छौ, ताकि हाम्रा व्यवसाय विस्तार गर्न सहज होस् । यसले सुरुमा सय जनालाई रोजगारी दिएको थियो । अहिले भने ३५–३६ जना रोजगार छन् । तर विस्तारै यस कम्पनीले एक दुइ सय जनालाई रोजगारी दिन्छ ।
तपाइको कम्पनीले अग्र्यानिक दाल, चामल, गेडागुडी बेच्छ ?
पाइन्छ । हामीले सिजनेबल हिसावमा बिशादी रहीत पनि खानुपर्छ, खुवाउनु पर्छ भनेर त्यस्ता चीजबीज संकलन गरेर बेच्छौ । तर बिसादी रहीत मात्रै पनि खानसक्ने रहेनछन् मान्छेले । धेरैजसोले अरु जनरल सामान पनि प्रयोग गर्ने भएकोले अग्र्यानिक मात्रै सबैले खान नसक्ने । नेपालको स्थीतिमा सबैलाई आर्थिक अवस्था हेरेर चल्नुपर्ने छ । अग्र्यानिक मात्रै महंगो पर्न जान्छ । त्यसकारण हामीकोमा दुबैथरी वस्तुहरु छन् । यसले इन्भेष्टमेन्ट कम्पनी सँगसँगै लगिरहेको छौ । आईटीबाट पनि मार्केटिङ्ग गरिरहेको छौ । र, एग्रिकच्चर टेडिङ कम्पनी पनि यसले सँगसँगै ल्याउँदैछ । हिमालयन एग्रिकल्चर टेडिङ्ग कम्पनीले चाँही जतिपनि अग्र्यानिक सामानहरु लोकल, नेपालमा उत्पादन भएको सामानहरु खरिद, प्याकेजिङ्ग र आन्तरिक तथा बाह्य बजारकमा विक्रि गर्छ ।
उपभोक्ताहरु यही ठोकिनुपर्ने तपाईहरुको खास विशेषता के हो ?
धेरैकोमा मनोमानी छ । रेट ठयाक्कै कति हो थाहा हुदैन । त्यो भएपछि फयाक्ट्रीले पनि सप्लार्यस र डिस्टीब्युर्टसको च्यानलमार्फत जानुपर्छ । धेरै फयाक्ट्रीहरुले डिस्टीब्युटरलाई दिने, डिस्टीब्युटरले डिलरलाई र डिलरले सवडिलरलाई र सवडिलरले पनि पसलेलाई दिएर घरमा जाँदा वस्तुको मुल्य बढी पर्ने भयो । यहाँ आफु पनि फयाक्ट्रीसँग जोडिँदैछौ र प्रत्यक्ष उपभोक्ताकै घरमा, घर नजिकैको पसलमा थोरै मार्जिनमा दिन्छौ । जसले गर्दा उपभोक्तालाई बढी महंगो पर्दैन । त्यसबाहेक फ्रेस सामानहरु समेत उनीहरुले पाउने भए ।
बजारको अवस्था कस्तो छ अहिले ?
बजारको अवस्था चाँही जेनजी आन्दोलन र दशैं तिहार जस्ता चाडबाड सक्किए पछिको अवस्थाले केही बिग्रेको छ । कतिपय फयाक्ट्रीहरुमा पनि विधुत लाइन काटिएका अवस्था छन् । मार्केटमा ब्यापारीहरुले लगानी गर्ने अवस्था नरहेको बताएका छन् । यसै त मान्छेहरु धेरै त विदेश गइरहेका त्यसमाथी आन्दोलन आदीले बजार विग्रेको अवस्था भने छ । आगजानीले धेरै क्षती भएका छन् । तर सुधार पनि हुदैछ । विस्तारै लयमा आउला । आखिर यो दैनिक उपभोग्य वस्तु हो । खानपानको कुरा छ । अरु कपडा, विलासी वस्तु जस्तो होइन् यो । जसरी पनि मान्छेले खानैपर्यो । त्यही भएर खासै त्यस्तो असर त छैन । तैपनि, बजार अलि श्लो भएको हो भन्ने छ ।

थप योजना के छ ?
अलिकति ठुला स्टोरहरु राख्ने र लगानीकर्ताहरु कोही आउँछन् भने पनि स्वागत गर्ने भन्ने छ । शेयर हाल्नेगरी कोही इच्छुक छन् भने पनि आउन सक्छन् । मिलेर काम गर्न सकिन्छ । यसमा मार्जिन कम छ । तर दिर्घकालिन ब्यवसाय हो यो । अरु जस्तो यसमा डुब्ने, फस्ने भन्ने हुदैन ।
सोध्न छुटेको तर तपाइलाई भन्न मन लाग्या कुरा केही छन् ?
हाम्रो हिमालयन ग्रुप अफ कम्पनीले बजारमा बेचिरहेका खाद्यन्यका सामानहरु अरुको भन्दा दुई पैसा सस्ता, ताजा र मिसावट रहीत छन् । हामी जे हो त्यही भन्छौ । कतिपय चीज हामी अग्र्यानिक पनि खोजेर बेचिरहेका छौ सिजनमा । यहाँ त अग्र्यानिकमा पनि मासकै दालमा पनि अग्र्यानिक हो भन्दै बजारको मासको दाल ल्याएर बेचिदिने र दुई पैसा सस्तो दिएर मान्छे झुक्याउनेहरु पनि छन् । उपभोक्ताले त्यो चाल नै पाउँदैन । तर हामी वास्तविक लोकल तथा अग्यानिक हो भने अग्र्यानिक र होइन् भने होइन भनेरै बेच्छौ । कसैलाई ढाँटछल गरेर, झुटो बोलेर हामीलाई कमाउनु छैैन । हामी त्यो गर्नै चाहँदैनौ र गर्न पनि नपरोस् । अर्को, अरुको भन्दा भिन्न विशेषता अलिकति केही फरक रेटमा फयाक्ट्रीले दिने रेटमा थोरै मार्जिन राखेर नै हामी सामान बेच्छौ । अधिकतम सस्तो पनि हुनेगरी बेच्ने हाम्रो प्रयास छ ।