इजरायलमा “तीज धमाका २०८२” हुने

काठमाडौँ १२ श्रावण २०८२– इजरायलमा “महिला स्वावलम्बन तथा समाज सेवा” लाई आफ्नो मुल नारा बनाई स्थापित महिलाहरू मात्रै कार्यसमितिमा रहेको प्रवासी सृजनशिल महिला समूह इजरायलले यस वर्षको तीजमा नेपालबाट कलाकारहरू निमन्त्रणा गरि “तीज धमाका २०८२” मनाउन गईरहेको छ।

अघिल्ला वर्षहरूमा तीज पर्व पारेर यस्ता सांस्कृतिक कार्यक्रम अन्य संघसंस्थाहरूले गर्दै आएका थिए। यस वर्ष भने महिलाहरूको नेतृत्व एवं व्यवस्थापनमा तीज विशेष कार्यक्रम हुन गइरहेको छ। हहगना-१३५ तेलअभिवमा रहेको हलमा हुने कार्यक्रममा दर सहितको सांस्कृतिक कार्यक्रम हुने आयोजकले जनाएको छ। यही अगष्ट १५ तरिख शुक्रबार बेलुका ८ बजेबाट सुरु हुने कार्यक्रममा नेपालबाट चर्चित लोक तथा दोहोरी गायक खेम सेन्चुरी एवं गायिका जानुका तामाङलाई निम्त्याएको आयोजकले इजरायलमा कार्यरत कलाकारहरूलाई पनि समेटेर कार्यक्रमलाई भव्य बनाउने जनाएको छ।

“तीज धमाका २०८२” तीज विशेष सांस्कृतिक कार्यक्रममा इजरायलमा कार्यरत सम्पूर्ण नेपाली एवं नेपाली भाषी दाजुभाई दिदीबहिनीहरूलाई आयोजकले उपस्थित भई दर खादै छमछमी नाचेर तीज मनाउन अनुरोध गरेको छ।

थप समाचारहरु:

युरोप निर्यात हुन थाले सुपारीको पातका बटुका सरकारद्वारा बीमा नियमावली, २०८१ स्वीकृत महालक्ष्मी विकास बैंक द्वारा वातावरण र संस्कृति संरक्षण तथा दिगो बैंकिङका लागि वाकाथन सम्पन्न इम्बार्क कलेज द्वारा आई–पेस छात्रवृत्ति २०२५ घोषणा सुनको मूल्यमा नयाँ रेकर्ड कायम ईम्बार्क कलेजमा उच्च शिक्षाको रूपान्तरणमा ट्रान्सनेसनल एजुकेसनबारे छलफल सुनको मूल्य घट्यो धमाधम हिमाल आरोहणको अनुमति गोएएमएल’मा एक हजार छ सय बढी अनुसन्धानकारी निकाय आबद्ध