बिजनेस पोष्ट
काठमाडौँ ३० बैशाख २०८३-नेपाल टेलिकमले चालु आर्थिक वर्ष २०८२/८३ को तेस्रो त्रैमासिकसम्म खुद नाफा र सञ्चालन आम्दानी दुवैमा वृद्धि गरेको छ । कम्पनीले सार्वजनिक गरेको अपरिष्कृत वित्तीय विवरणअनुसार चैत मसान्तसम्म टेलिकमले ६ अर्ब २७ करोड २९ लाख रुपैयाँ खुद नाफा कमाएको छ ।
यो रकम गत आर्थिक वर्षको सोही अवधिको तुलनामा ५६ करोड २४ लाख रुपैयाँ अर्थात् ९.८५ प्रतिशत बढी हो । गत वर्ष यही अवधिमा कम्पनीको खुद नाफा ५ अर्ब ७१ करोड ५ लाख रुपैयाँ रहेको थियो ।
कम्पनीको सञ्चालन आम्दानी पनि बढेको छ । चालु आर्थिक वर्षको तेस्रो त्रैमासिकसम्म टेलिकमको सञ्चालन आय २५ अर्ब ९२ करोड ९६ लाख रुपैयाँ पुगेको छ । यो गत वर्षको तुलनामा ६१ करोड २० लाख रुपैयाँ अर्थात् २.४२ प्रतिशत बढी हो ।
यस अवधिमा कम्पनीको कुल आम्दानी २८ अर्ब ८५ करोड ४८ लाख रुपैयाँ पुगेको छ । गत वर्ष सोही अवधिमा कुल आम्दानी २८ अर्ब ४३ करोड १५ लाख रुपैयाँ थियो ।
नेपाल टेलिकमका अनुसार डाटा तथा भ्वाइस सेवाबाट हुने जीएसएम आम्दानी बढेका कारण सञ्चालन आयमा सुधार आएको हो । जीएसएम सेवाबाट प्राप्त राजस्व गत वर्षको तुलनामा ५७ करोड ७४ लाख रुपैयाँ अर्थात् २.७६ प्रतिशतले बढेको कम्पनीले जनाएको छ।
थप समाचारहरु:
आज घर घरमा फूलपाती भित्र्याइँदै
आजको मौसम पूर्वानुमान : कोशी, लुम्बिनी, कर्णाली र सुदूरपश्चिम प्रदेशमा वर्षाको सम्भावना
वर्षा र हुण्डरीले केराखेतीमा क्षति
तिहारमा महानगरभित्र विदेशी फूल प्रतिबन्धित
ग्लोबल आइएमई बैंकद्वारा ८ प्रतिशत नगद लाभांश घोषणा
घर आँगनकै फूलबाट नगद आर्जन गर्दै स्थानीय
हेटौँडा उपमहानगरपालिकाद्वारा प्लाष्टिकको फूल बिक्रीवितरण तथा प्रयोगमा रोक
जेनजी आन्दोलनको क्षतिमा सवा २३ अर्बको बिमा दावी
जलवायु परिवर्तनको प्रत्यक्ष जोखिममा करिब ९० करोड गरिब मानिस
तपाईको प्रतिक्रिया