बिजनेस पोष्टकाठमाडौं ५ साउन २०८३– लक्ष्मी सनराइज बैंक लिमिटेडले साउन १४ गतेदेखि ‘७% लक्ष्मी सनराइज डिबेञ्चर २०९२’ नामक ऋणपत्र निष्काशन तथा बिक्री खुला गर्ने भएको छ। बैंकले वार्षिक ७ प्रतिशत ब्याजदर भएको १० वर्ष अवधिको ऋणपत्र निष्काशन गर्न लागेको हो । प्रतिइकाई एक हजार रुपैयाँ अंकित दरका कुल ३० लाख इकाई ऋणपत्रमार्फत बैंकले ३ अर्ब रुपैयाँ बराबरको रकम उठाउने लक्ष्य राखेको छ।
कुल निष्काशनमध्ये ६० प्रतिशत अर्थात् १८ लाख इकाई (१ अर्ब ८० करोड रुपैयाँ) व्यक्तिगत तवरबाट बाँडफाँट गरिनेछ। बाँकी १२ लाख इकाई (१ अर्ब २० करोड रुपैयाँ) सर्वसाधारणका लागि छुट्याइएको छ। सर्वसाधारणतर्फको निष्काशनमध्ये ६० हजार इकाई अर्थात् ५ प्रतिशत सामूहिक लगानी कोषका लागि सुरक्षित गरिएको छ।
ऋणपत्रमा लगानीकर्ताले न्यूनतम २५ इकाईका लागि आवेदन दिनुपर्नेछ भने अधिकतममा सम्पूर्ण उपलब्ध इकाईका लागि आवेदन दिन सक्नेछन् । निष्काशन छिटोमा साउन १९ गते बन्द हुनेछ। आवश्यक आवेदन नपरेमा बिक्री अवधि साउन २८ गतेसम्म लम्बिनेछ । लगानीकर्ताले सि–आस्बा सेवामा सहभागी बैंक तथा वित्तीय संस्था र तिनका तोकिएका शाखामार्फत आवेदन दिन सक्नेछन्। साथै, सिडिएस एन्ड क्लियरिङ लिमिटेडको ‘मेरो सेयर’ प्रणाली प्रयोग गरी अनलाइनबाट पनि आवेदन दिन सकिने बैंकले जनाएको छ।
सम्बन्धित समाचार:
निर्वाचनका बेला लगातार ७ दिन सार्वजनिक बिदा
नवलपरासी पूर्वमा ३७४६ हेक्टर क्षेत्रमा तोरी खेती
झापामा चैत धान रोपाइँ सुरु
मझौलेका किसान लसुन खेतीतर्फ आकर्षित हुँदै
चुनावको दिन यति एयरलाइन्सले उडान स्थगित गर्ने
छ वटामध्ये एउटा सक्कल परिचयपत्रले मतदान गर्न पाइने
मध्यपूर्वमा जारी युद्ध दोस्रो सातामा प्रवेश, स्थीति झन् भयावह
अर्थमन्त्रीमा स्वर्णिमको प्रतिक्षा : अर्थतन्त्रमा बज्ला सम्बृद्धिको घण्टी?
डेडिकेटेड र ट्रङ्क लाइन महसुल विवाद: आयोगमा चैत १ गते सुनुवाइ हुने
तपाईको प्रतिक्रिया