नेपाल राष्ट्र बैंकको गभर्नरमा प्रा.डा. विश्वनाथ पौडेल नियुक्त

काठमाडौं ०६ जेठ २०८२-।

नेपाल राष्ट्र बैंकको १८ औं गभर्नरका रुपमा प्रा. डा. विश्वनाथ पौडेल नियुक्त भएका छन् । मंगलबार साँझ बसेको मन्त्रिपरिषद् बैठकले गभर्नरमा प्रा.डा पौडेललाई नियुक्त गरेपछि राष्ट्र बैंकमा लामो समयदेखि देखिएको गभर्नर अन्यौल सकिएको हाे ।

अर्थमन्त्री विष्णु पौडेल नेतृत्वको सिफारिस समितिले मंगलबार नै तीन जनाको नाम गभर्नरमा सिफारिस गरेको थियो । चितवन निवासी पौडेल गत संसदीय निर्वाचनमा पराजित भएका थिए। चितवन क्षेत्र नं १ मा कांग्रेसबाट उम्मेदवार बनेका पौडेले तेस्रो स्थान कायम गरेका थिए। त्यसअघि उनी राष्ट्रिय योजना आयोगको उपाध्यक्ष थिए। उपाध्यक्षबाट राजीनामा दिएर उनी संसदीय राजनीतिमा होमिएका थिए।

निवर्तमान गभर्नर महाप्रसाद अधिकारी गत चैत २३ गते नियमित अवकाशमा गएका थिए। 

थप समाचारहरु:

धुलिखेल–साँगा सडक खण्ड कालोपत्र सुरु चालु खाता र शोधनान्तर बचतमा, अर्थतन्त्र सुधारिँदै गएको संकेत डिडिसीका कर्मचारीको अब दूध र घ्यू नपाउने आगामी आर्थिक वर्षको बजेट १९ खर्ब ६४ अर्ब ११ करोड महाकाली सिँचाइ तेस्रो चरण तीन वर्षभित्र सक्ने लक्ष्य जेठ १९ : दरबार हत्याकाण्डको २४औँ स्मृति दिवस दुई परियोजनालाई विश्व बैंकको २५७ मिलियन अमेरिकी डलर सहयोग बजेटले आशा र उत्साह ल्याउन नसकेको प्रतिपक्षको टिप्पणी रासायनिक विषादीको विकल्प सिकाउँदै कृषि ज्ञान केन्द्र