नाडा अटो शो को तयारी भब्य, प्रर्दशनी ऐतिहासिक हुने आयोजकको दावी

काठमाडौं ३० श्रावण २०८२

नेपाल अटोमोबाइल्स एसोसिएसन अफ नेपाल (नाडा) को आयोजनामा ‘नाडा अटो शो– २०२५’आगामी भदौ ३ देखि ८ गतेसम्म काठमाडौंको भृकुटीमण्डपमा हुदैछ । सो को तयारी भब्य रहेको आयोजकले बताएको छ ।

उपप्रधानमन्त्री तथा अर्थमन्त्री विष्णुप्रसाद पौडेलले उद्घाटन गर्ने तयारी रहेको प्रदर्शनी ‘गो फर मोर’ भन्ने मूल नारासहित आयोजना हुन लागेको हो । यस संस्करणमा उन्नत प्रविधि, स्मार्ट मोबिलिटी र दिगोपनलाई विशेष प्राथमिकता राखिने नाडाले जनाएको छ ।

नाडा अटो शोको १७औं संस्करणको तयारीमा नाडाको नेतृत्व सुजुकी मोटर्सका प्रबन्ध निर्देशन समेत रहेका करण चौधरीले गरिरहेका छन् । नाडा अध्यक्ष चौधरीको नेतृत्वको यसपटकको प्रर्दशनी विशेष हुने बताइएको छ । यसपटकको प्रर्दशनीमा आयोजकले उड्ने कारको समेत प्रर्दशन गर्ने भएको छ ।

अत्याधुनिक स्वचालित चारपांग्रे रोबोट ‘युनिट्री रोबोट्स’ तथा भविष्यका शहरी हवाई सवारी ‘डिपल इभटोल युएभी’का झलकहरू प्रदर्शनीमा देख्न पाइनेछ ।

यस वर्षको शो’मा १९ वटा चारपांग्रे ब्रान्ड, १३ वटा हल्का व्यावसायिक सवारी ब्रान्ड, ४ वटा दुईपांग्रे सवारी ब्रान्ड, तथा ३५ अन्य कम्पनी टायर, ल्युब्रिकेन्ट, उपकरण, वित्तीय संस्था आदि० गरी १२५ भन्दा बढी प्रदर्शकहरू सहभागी हुनेछन् ।

करिब १ लाखभन्दा बढी आगन्तुकको अपेक्षा गरिएको यस शोको प्रदर्शनी क्षेत्रफल ३ लाख वर्गफुटमा फैलिनेछ, जुन अहिलेसम्मकै ठूलो हो । खल्ती एप मार्फत् टिकटको अग्रिम बुकिङमा २०५ क्यास ब्याकको सुविधा दिइनेछ । प्रदर्शनी स्थलमा विभिन्न जोन दुईपांग्रे, चारपांग्रे, अटो पार्ट्स, वित्तीय सेवा आदि छुट्टाछुट्टै रुपमा व्यवस्था गरिनेछ ।

थप समाचारहरु:

शिक्षामन्त्री भट्टराईले दिइन् राजीनामा प्रोजेक्ट बैङ्कमा राखिएका १० हजारभन्दा बढी आयोजना कटौती सुन्दरता बिछ्याएर पर्यटक कुरीरहेछ शैलुङ-दोरम्बा भू–उपग्रह प्रयोग गरी नेपालको कृषि क्षेत्रको पहिचान गरिने ‘हेल्लो काँशीराम’को गीत ‘झ्यामकी मादल झ्याम’ सार्वजनिक नयाँ गन्तव्यको प्रचारका लागि युवा पुस्तालाई जोड्दै पर्यटन बोर्ड आज १३६औँ अन्तरराष्ट्रिय श्रमिक दिवस जलस्रोत तथा ऊर्जा विकास मन्त्रालयको एक हजार बढी योजना किसानले उत्पादन गरेका फापर गाउँपालिकाद्वारा खरिद