एसईईमा ६१.८१ प्रतिशत विद्यार्थी उत्तीर्ण, यसरी हेर्नुस नतिजा

काठमाडौं १३ असार २०८२ ।

राष्ट्रिय परीक्षा बोर्डले माध्यमिक शिक्षा परीक्षा (एसईई) २०८१ को नतिजा सार्वजनिक गरेको छ। शुक्रबार साँझ आयोजित पत्रकार सम्मेलनमार्फत बोर्डका अध्यक्ष डा. महाश्रम शर्माले ६१.८१ प्रतिशत विद्यार्थी उत्तीर्ण भएको जानकारी दिएका हुन्।

चैत ७ गतेदेखि १९ गतेसम्म सञ्चालन भएको एसईई परीक्षामा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ जना गरी कुल ४ लाख ९९ हजार १८३ विद्यार्थी सहभागी भएका थिए।

यस वर्षको एसईईमा १ लाख ६७ हजार ५९७ परीक्षार्थी फेल भएका छन् । राष्ट्रिय परीक्षा बोर्डले शुक्रबार प्रकाशित गरेको नतिजा अनुसार कुल परीक्षार्थीमध्ये २ लाख ७१ हजार २९९ जनामात्रै उत्तीर्ण भएका हुन् ।

राष्ट्रिय परीक्षा बोर्डले माध्यमिक शिक्षा परीक्षा (एसईई)को नतिजा विभिन्न माध्यमबाट हेर्न सकिने जनाएको छ ।

बोर्डले एसईई-२०८१ को नतिजासम्बन्धी विवरण SMS, IVR, तथा WEBSITE बाट प्रकाशन हुने बोर्डले जनाएको छ ।

नतिजा सार्वजनिक भएलगत्तै, वेबसाइटहरूमा सम्पूर्ण विवरण (ग्रेडसिट) अपलोड हुन केही समय लाग्ने बताइएको छ । अन्य सूचनामा प्रकाशित वेबसाइटहरूबाट भने प्राप्त जिपीए (GPA) मात्र तुरुन्तै हेर्न सकिनेछ ।

नतिजा हेर्दा धैर्य अपनाउन र आधिकारिक स्रोतहरूमा भर पर्न बोर्डले अनुरोध गरेको छ ।

थप समाचारहरु:

असार २७ गतेदेखि स्वस्तिक लघुवित्तको आईपीओ खुल्ला हुने स्याङ्जाको कालीगण्डकीमा व्यावसायिक अकबरेखेती उद्यमी प्रोत्साहन गर्न कर्णालीमा प्रादेशिक औद्योगिक प्रदर्शनी मुलुकको अर्थतन्त्रको आकार बढेर ६१ खर्ब पुग्यो शेयर धितो कर्जाको एकल सीमा बढाइयो आज बजारबाट ५० अर्ब निक्षेप खिच्दै राष्ट्र बैंक हिमालयन बैंकले आजदेखि १ अर्ब ४५ करोडको एफपीओ निष्काशन गर्दै बजार खुलेको पौने घण्टामै सेयर बजारमा ३ अर्ब २५ करोड बढी कारोबार, ४९ अंकको बृद्धि कर्णालीमा ५० ठाउँमा अझै तुइन