एनआईसी एसिया बैङ्कले सुरु गर्यो अनलाइन लिलाम बिक्री पोर्टल

काठमाडौं ४ जेठ २०८२।

एनआईसी एसिया बैङ्क लिमिटेडले लिलाम बिक्री प्रक्रियालाई थप सहज, पारदर्शी र प्रविधिमैत्री बनाउनका लागि नयाँ अनलाइन लिलाम बिक्री पोर्टल सार्वजनिक गरेको छ।

बैङ्कको नाममा रहेको बैङ्किङ तथा गैर-बैङ्किङ सम्पत्ति, धितो सुरक्षणमा रहेका सम्पत्तिहरू बिक्री गर्नका लागि ल्याइएको यो पोर्टलमार्फत इच्छुक व्यक्तिहरूले विस्तृत विवरणसहित सम्पूर्ण जानकारी प्राप्त गर्न सक्नेछन्।

एक क्लिकमै सम्पूर्ण विवरण
ग्राहकहरूले बैङ्कद्वारा प्रकाशित लिलामी सूचनामा समावेश गरिएको क्युआर कोड स्क्यान गरी वा सिधै https://auctionassistance.nicasiabank.com मा गई सम्पत्तिको: कित्ता नम्बर, क्षेत्रफल, फोटो र नक्सा, गुगल म्यापमा स्थान लगायतका जानकारी प्राप्त गर्न सक्नेछन्।

सम्पत्तिबारे थप जानकारी आवश्यक परेमा, सोही पोर्टलमा रहेको म्यासेज बक्समार्फत ग्राहकहरूले आफ्नो पुरा नाम, इमेल, मोबाइल नम्बर र सम्पर्क ठेगाना उल्लेख गरी सोधपुछ गर्न सक्ने सुविधा पनि बैङ्कले उपलब्ध गराएको छ।

एनआईसी एशिया बैङ्कले यो पोर्टल मार्फत:

बैङ्किङ सम्पत्ति
गैर-बैङ्किङ सम्पत्ति,
धितो सुरक्षणमा रहेका सम्पत्तिहरू तथा अन्य लिलामीसम्बन्धी सूचना नियमित रूपमा अद्यावधिक गर्दै जाने जनाएको छ।

बैङ्कको विश्वास छ कि यस डिजिटल पहलले लिलाम प्रक्रियामा पारदर्शिता, ग्राहक पहुँचमा वृद्धि, र निवेशकहरूको सहज सहभागिता सुनिश्चित गर्नेछ।

इच्छुक ग्राहकहरूलाई https://auctionassistance.nicasiabank.com पोर्टलको सहज प्रयोगबाट विस्तृत विवरण अवलोकन गर्न र लिलामी प्रक्रियामा सहभागी भई उपलब्ध अवसरहरूको भरपुर लाभ लिन बैङ्कले आग्रह गरेको छ।

थप समाचारहरु:

एनआईसी एशिया बैंकको ५ अर्ब रुपैयाँ बराबरको डिबेन्चर बिक्री खुला नागरिक लगानी कोषबाट सहभागीहरूलाई एक अर्ब ५२ करोड थप प्रतिफल प्रदान एनएमबि बैंकले ऋणपत्र निष्कासन गर्ने गभर्नर बन्न विश्व पौडेलले दिए सिफारिस समितिबाट राजीनामा नागरिक लगानी कोष र भूमि व्यवस्थापन विभागबीच सम्झौता राष्ट्र बैंकको अध्ययनः यस्ता छन् मधेस प्रदेशका आर्थिक चुनौती ग्लोबल आइएमई समुन्नत योजना–२ म्युचुयल फण्डको सार्वजनीक निष्काशन तथा बिक्री खुल्ला सिटिजन्स सदाबहार योजनाको इकाई बाँडफाँड, २५% ओभरसब्स्क्राईब माछापुच्छ्रे बैंकको बैंकको नाफा २ अर्ब भन्दा बढी, गत वर्षको तुलनामा ९२.४५५ वृद्धि