गर्भनरमा विश्व पौडेलको चर्चा, बोक्ला त काँग्रेसले ?

काठमाडौं २८ बैशाख २०८२।

गभर्नर नियुक्ति प्रक्रियामा नयाँ नयाँ अनुहारको नाम चर्चामा ल्याइएको छ । खासगरी हाल कामु गभर्नर निलम ढुंगानाले कार्यकारी निर्देशक गुणाकर भट्टको राजीनामा स्वीकृत नगरेपछि नियुक्ति प्रक्रिया झन् जटिल बनेको छ । भट्टको राजिनामा स्वकृत नभए कांग्रेसले नयाँ अनुहार भित्राउने भएको छ ।
पछिल्लो पटक नेपाली कांग्रेसका तर्फबाट अर्थशास्त्री विश्व पौडेललाई गभर्नरमा सिफारिस गर्नुपर्ने प्रस्ताव कांग्रेसले गरेको चर्चा छ । स्रोतका अनुसार शनिबार बालुवाटारमा बसेको कांग्रेस र एमालेका शीर्ष नेताको बैठकमा कामु गभर्नर निलम ढुंगानाले कार्यकारी निर्देशक गुणाकर भट्टको राजीनामा स्वीकृत नगरे कांग्रेसले विश्व पौडेललाई पठाउने जानकारी गराएको थियो ।

यद्यपी विश्व पौडेल गभर्नर सिफारिस समितिकै सदस्य हुन् । उनलाई समितिबाट राजीनामा दिन लगाएर गभर्नरमै सिफारिस गर्नु पर्नेछ ।
कांग्रेस पदाधिकारी बैठकमा सभापति शेरबहादुर देउवाले कांग्रेसले गुणाकर भट्टलाई सिफारिस गरेको भएपनि उनको राजीनामा स्वीकृत भएको छैन । उनलाई राजीनामा स्वीकृत नगरी पठाउँदा प्राविधिक समस्या आउन सक्ने आँकलन कांग्रेसको छ।
सभापती देउवाले विश्वको नाम अघि सारेपनि सो पार्टीको अन्य नेताहरुले भने नाम फिक्स भइनसकेको बताएका छन् । डा पौडेल काँगे्रसबाट पटक पटक अवसर पाएका ब्यक्ति हुन् । यसअघि पनि राष्टिय योजना आयोगको सदस्य, उपाध्यक्ष बनाइएका उनी कांग्रेसबाटै सासदको टिकट पाएपछि राजिनामा दिएर मैदानमा उत्रिएका ब्यक्ति हुन् ।

राष्ट बैंक एक स्वायत्त एवं सरकारको सल्लाकारको भुमकिामा रहेको संवेदनशील संस्था भएकाले पनि स्वतन्त्र व्यक्ति त्यस संस्थामा माग गर्दछ । सरकारले त्यस्तो निकायमा पार्टीको झोला बोकेका, पटक-पटक अवसर पाएर पनि केही गर्न नसकेका, आसेपासे एवं चाप्लुसी गरेर पद हत्याउन पल्केकाहरुलाई नियुक्ति गर्दै जाने हो भने त्यो पदबाट राज्यले चाँही के पाउँछ ? जनताले त्यस्ता ब्यक्तिबाट के पाउँछन् ? भनेर जनस्तरबाटै प्रश्न उठ्न थालेको छ ।

काँगेसमा पछिल्लो समय सभापती देउवाको मात्र निर्णय चल्दैन, सो पार्टीमा महामन्त्रीद्धय गगन-विश्व प्रकाश जस्ता युवा नेताहरु निर्णयहरुमा हावी हुँदै आएका देखिन्छन् । त्यसले गर्दा पनि नेतृ आरजुु राणाको रोजाइका पात्र विश्व पौडेल गर्भनर भइहाल्लान् भन्ने चाँही शंशयमै छ । उनलाई सिंगो काँगेसले बोक्ला वा नबोक्ला भन्न सकिदैन ।

थप समाचारहरु:

आईपीओ निष्काशन गर्दै हिम स्टार उर्जा कम्पनी मलखादबिना कसरी पूरा होला ‘मधेशले देशलाई खुवाउने अभियान ?’ चिडियाखानामा सन्ध्याकालीन सेवा सुरु भएपछि बढे पर्यटक अनुदान उपलब्ध गराउन उखु किसानको माग मेची भन्सारद्वारा १४ अर्ब ४३ करोड राजस्व सङ्कलन हुम्लामा एकै दिन १४ उडान, १५० विदेशी सिमकोट पुगे फेवाताल किनारमा ३ सय ६० सीमा स्तम्भ गाडिए नबिल बैंकको ‘नबिल ग्रीन विक’ : दिगो बैंकिङको पाँचौं वर्ष प्रवेश राष्ट्रियसभाबाट आर्थिक र राष्ट्र ऋण उठाउने विधेयक स्वीकृत